Franklin Delano Roosevelt

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Franklin Delano Roosevelt
32eno President d'os Estaus Unius
4 de marzo de 1933 – 12 d'abril de 1945
Precediu por	Herbert Hoover
Succediu por	Harry S. Truman
44eno Gubernador d'o Estato de Nueva York
1 de chinero de 1929 – 31 d'aviento de 1932
Precediu por	Henry A. Wallace
Succediu por	Alben W. Barkley
Naiximiento	30 de chinero de 1882 Hyde Park, Nueva York, EE.UU.
Muerte	12 d'abril de 1945 Warm Springs, Cheorchia, EE.UU.
Partiu	Partiu Democrata
Profesión	Avogau
Residencia	Casa Blanca
Sinyal

Franklin Delano Roosevelt, naixito o 30 de chinero de 1882 en Hyde Park (Nueva York) y muerto o 12 d'abril de 1945 en Warm Springs (Cheorchia), estió un politico estausunidense, que estió o 32º President d'os Estaus Unius, dende o 4 de marzo de 1933 dica la suya muerte o 12 d'abril de 1945. Tamién estió o 44º Gubernador de Nueva York dende o 1 de chinero de 1929 dica o 31 d'aviento de 1932.

Roosevelt plegó a la Presidencia d'Estaus Unius en esclatar a Gran Depresión, con un conchunto de mesuras ta rendrezar a Economía d'os Estaus Unius, basatas en o dito New Deal, y que permitió a recuperación economica d'o país antes de prencipiar a Segunda Guerra Mundial. Estió o unico president que ganó cuatre eleccions a la Presidencia, y dimpués d'a suya muerte se cambioron as normas ta fer que garra president pueda estar reesleito mas d'una vez, con un total de dos mandatos presidencials.

Antiparte, Franklin Delano Roosevelt yera o president mientres a Segunda Guerra Mundial, encara que murió antis de rematar a guerra estando substituyiu por o suyo vicepresident Harry S. Truman, y as suyas decisions estioron muit importants ta marcar o rumbo d'o país dica dimpués d'a suya muerte. Se considera por bels autors d'ideolochía conservadora que a suya malautía fació que en os zaguers tiempos d'o suyo mandato Stalin se'n aprofitase ta tener bels privilechios ta la Unión Sobietica, contra a opinión d'o primer ministro d'o Reino Uniu, Winston Churchill, muito menos partidario de ceder ante Stalin.